«Astana» fýtbol klýbynyń basshylyǵy komanda bıýdjetine qatysty máselege túsinikteme berdi

Aıta keteıik, bunyń aldynda BAQ betterinde «Astana» klýby 45 mıllıon AQSh valıýtasyn suratyp jatyr degen aqparat tarap ketken bolatyn.

«Bul soma qaıdan shyqqandyǵyn túsindirip ótkim keledi. Sebebi, ol durys berilmedi. 45 mıllıon AQSh dollaryn biz «Samuryq-Qazyna» qorynan surap jatqan joqpyz», - dep atap ótti «Astana» klýbynyń bas menedjeri Qaısar Bekenov.

«Klýbtyń bıylǵy deńgeıde saqtalyp qalýyna osyndaı soma qajet dep aıtqan bolatynbyz. ıAǵnı, kelesi jyly da biz úlken jetistikter kórsetkimiz kelse, klýb shamamen 45 mıllıon dollardy ıelenýi tıis. Degenmen, bul soma tek «Samuryq-Qazynadan» alynbaıdy, Eýrokýboktardan utqan qarajattan, bıletten túsken aqshadan, bıznes qaýymdastyqtyń demeýshiliginen jáne jarnamadan túsedi. Onyń ústine atrıbýtıka satylymy, Chempıondar Lıgasynyń matchtarynan túsken bılet qarajattary bar. 45 mıllıondy bizge «Samuryq-Qazynadan» alý degen durys emes, onyń ishinde klýbtyń óz kiristeri de bar», - deıdi bas menedjer.