«Astana» fýtbol klýbynyń bapkeri Eýropa lıgasyndaǵy jeńilisten keıin otstavkaǵa ketýge ótinish berdi
ALMATY. 12 shilde. QazAqparat - Búgin «Astana» fýtbol klýbynyń baspasóz qyzmeti, bas bapker Mıroslav Beranektiń otstavkaǵa ketýge ótinish bergenin jarııalady. 2011 jyldan bastap QR Ulttyq quramasyn jattyqtyratyn 56 jastaǵy chehııalyq maman 2012 jyldan beri «Astana» fýtbol klýbynyń bas bapkeri bolyp jumys jasaǵan bolatyn.
Bul sheshimdi ol Eýropa lıgasynda Bolgarııanyń «Botev» komandasymen syrt alańdaǵy matchtan keıin qabyldaǵan kórinedi. Óz túsindirmesinde M. Beranek: «Men -bas bapkermin, ıaǵnı klýb nátıjesine de jaýaptymyn. Bul jaǵdaıda jeńilistiń aıybyn óz moınyma alǵym keledi. Qalyptasqan ahýaldy saraptaı kele, eger klýbtan ketsem, «Astana» úshin jaqsy ekenin túsindim», - degendi aıtqan. Sondyqtan búgin óz erkimen otstavkaǵa ketýge ótinish jazǵan bapker, sondaı-aq ózine «Astanany» Eýropa lıgasynyń 3-shi kezeńine shyǵarý mindeti júktelgenin jáne ony oryndaı almaǵanyn da jasyrmaıdy.
