«Astana» fýtbol klýbynyń Antalııadaǵy alǵashqy oqý-jattyǵý jıynyna 4 fýtbolshy qatyspaıtyn boldy
ALMATY. 27 jeltoqsan. QazAqparat /Erlik Erjanuly/ - «Astana» fýtbol klýbynyń 4 fýtbolshysy Qazaqstan jastar quramasynyń jetekshisi Slobodan Krchmarevıchten Almatydaǵy oqý-jattyǵý jıynyna shaqyrtý aldy. 10-18 qańtar aralyǵyndaǵy bul daıyndyqtan keıin olar Sank-Peterbýrgte bıyl jastar quramalary arasynda ótetin Dostastyq kýbogynda el namysyn qorǵaıtyn bolady.
«Astanalyqtardan» qorǵaýshy Damır Daýtov buǵan deıin 1, al shabýylshy Denıs Prokopenko Eýropa chempıonatynyń irikteý kezeńinde 2 oıynǵa qatysqan bolatyn. Endi olardyń qataryna 19 jasqa deıingi jastar quramasynda óner kórsetip úlgergen qaqpashy Denıs Ovsıannıkov pen bıylǵy maýsymda «Oqjetpes» sapynda birinshi lıgadaǵy eń jas oıynshy atanǵan, jartylaı qorǵaýshy Islambek Qýat qosylyp otyr. Olardyń ózge komandalas serikteri Premer-lıgadaǵy 21-Qazaqstan chempıonaty qarsańyndaǵy alǵashqy oqý-jattyǵý jıynyn 7-21 qańtarda Túrkııanyń Antalııa qalasynda ótkizbek. Sol sebepti D. Daýtov, D. Prokopenko, D. Ovsıannıkov jáne I. Qýat «Astana» fýtbol klýbynyń Túrkııada josparlanyp otyrǵan kelesi 2 oqý-jattyǵý jıynynda ǵana qatarǵa qosylmaq.
