«Astana» fýtbol klýbynyń áleýmettik jelidegi paraqshasyna hakerler shabýyl jasady

NUR-SULTAN. QazAqparat – Elordalyq «Astana» fýtbol klýbynyń Facebook paraqshasyna hakerler shabýyl jasady, dep habarlaıdy QazAqparat tilshisi.

Aqparatty agenttik tilshisine klýbtyń baspasóz qyzmeti rastady. Sonymen qatar klýb osy máselege qatysty resmı málimdeme jasady.

«Qurmetti jankúıerler! Ókinishke qaraı, klýbtyń Facebook-tegi resmı toby hakerlik shabýylǵa ushyrady.

Barlyq jankúıerlerden áleýmettik jeli ákimshiligi ony buzylǵan dep anyqtaýy úshin Facebook tobyndaǵy jańalyqtarǵa shaǵym jiberýdi suraıdy.

Jaqyn arada biz klýbtyń Facebook-tegi jańartylǵan paraqshasy týraly habarlaımyz. Al oǵan deıin basqa áleýmettik jelilerdegi paraqshalardan jańalyqtardy oqı alasyzdar», delingen klýbtyń resmı saıtynda.