«Astana» fýtbol klýbynda 16 jasynda óner kórsetken Abzal Beısebekovtyń rekordyn 2 jyldan beri eshkim jańarta almaı keledi
ALMATY. 30 jeltoqsan. QazAqparat /Erlik Erjanuly/ - «Astana» fýtbol klýbynyń eń jas oıynshysy bıylǵy maýsymda 19 jastaǵy Denıs Prokopenko boldy.
Astanalyq fýtbol mektebiniń tárbıelenýshisi alǵashqy oıynyn 25 tamyzda Pavlodardyń «Ertis» komandasymen bolǵan kezdesýde ótkizgen bolatyn. Alańǵa shyqqan kezde ómirge kelgenine 19 jas 10 aı 20 kún bolǵan Denıs klýbtyń ınternet saıtyndaǵy málimet boıynsha «Astana» tarıhyndaǵy eń jas 5 oıynshynyń qataryna endi. Bul tizimdi 2009 jyly 6 sáýirde 16 jas, 4 aı 7 kúninde óner kórsetken Abzal Beısebekov bastap tur. Odan keıingi joǵary kórsetkishti 2010 jyly 22 naýryzda Sergeı Hıjnıchenko (18 jas, 8 aı, 5 kún), 2009 jylǵy 6 sáýirde Damır Dáýitov (19 jas, 1 aı, 3 kún) pen 2011 jyl 6naýryzda Zaýrbek Plıev (19 jas, 5 aı, 7 kún) jasaǵan bolatyn.
Eń eresek oıynshylardyń rekordy da 2009 jyldan beri jańartylǵan joq. 25 qazanda ony reseılik legıoner Andreı Tıhonov (39 jas 9 kún) jasaǵan bolatyn. «Astana» klýbynyń eń eresek oıynshylarynyń alǵashqy bestigine kirgenderdiń bári óz rekordyn 2009 jylǵy maýsymda tirkedi. Ony Igor Avdeev 2 qarashada (36 jas, 9 aı 23 kún), Aleksandr Shatskıh 14 naýryzda (36 jas, 1 aı 21 kún), Egor Tıtov 2 qarashada (33 jas, 5 aı, 4 kún), Danııar Hasenov 26 qarashada (33 jas 2 aı, 24 kún) ornatty.
