«Astana» fýtbol klýbyna brazılııalyq qorǵaýshy Zelao keldi
ASTANA. 30 qańtar. QazAqparat - Qazaqstan Premer-lıgasynyń maýsymaralyq kezeńinde «Astana» fýtbol klýbyna brazılııalyq Zelao keldi, dep habarlaıdy klýbtyń baspasóz qyzmeti.
«Búgin klýb prezıdenti Azamat Aıtqojın men Reseıdiń «Kýban» komandasynyń kapıtany Zelao «Astana» klýbyna qabyldaý týraly kelisimshartqa qol qoıdy. Ol buryndary Brazılııanyń «Korıntıans», reseılik «Satýrn» men «Kýban» klýbtarynda oınaǵan tájirıbeli oıynshy. Reseıdiń joǵary dıvızıonynda onyń esebinde 119 match pen 6 gol bar», - delingen habarlamada.
