«Astana» fýtbol klýby Qazaqstan chempıony atandy
ASTANA. QazAqparat - «Astana» fýtbol klýby jeti dúrkin chempıon atanyp, Qazaqstan chempıonatynyń rekordyn jańartty, dep habarlaıdy QazAqparat tilshisi.
Elordalyq komanda bıyl qarsylastar qaqpasyna 65 gol soqty. Al óz qaqpasyna 24 gol engizip aldy. Bul - ózge komandalarmen salystyrǵanda eń az kórsetkish.
Osylaısha «Astana» 2014, 2015, 2016, 2017, 2018, 2019, 2022 jyldarda Qazaqstan chempıonatynda úzdik atanyp, bul jóninen úzdik kórsetkishke qol jetkizdi.
Sondaı-aq el birinshiliginde Pavlodardyń «Ertisi» men «Aqtóbe» bes-bes márte altyn medalǵa ıe bolsa, Almatynyń «Qaıraty», Semeıdiń «Elimaıy» jáne Astananyń «Jeńisi» úsh-úsh márte chempıondyq tuǵyrǵa kóterildi. Al Qostanaıdyń «Tobyly» men Qaraǵandynyń «Shahteri» eki ret «altynnan» alqa taqsa, mundaı tabysqa «Taraz» bir márte qol jetkizdi.
Eske salsaq, bıyl Premer-lıgadan Túrkistannyń «Turany» men Oraldyń «Aqjaıyǵy» shyǵyp qaldy.
Olardyń ornyn birinshi lıgada alǵashqy eki orynǵa ıe bolǵan Kókshetaýdyń «Oqjetpesi» men Qyzylordanyń «Qaısary» basty.
Foto: www.instagram.com/fca.astana
