«Astana» fýtbol klýby eki oıynshymen tolyqty
ASTANA. QazAqparat - «Astana» fýtbol klýby eki oıynshymen tolyqty, dep habarlaıdy QazAqparat tilshisi klýbtyń baspasóz qyzmetine silteme jasap.
Onyń biri - Serbııa ulttyq quramasynyń qorǵaýshysy Antonıo Rýkavına. Ekinshisi - Ázerbaıjan ulttyq quramasynyń jartylaı qorǵaýshysyRıchard Almeıda.
Qos fýtbolshyny jeke-jeke tanystyryp ótsek:
Antonıo Rýkavına
Týǵan kúni: 26.01.1984
Alańdaǵy orny: oń qaptaldaǵy qorǵaýshy / oń qaptaldaǵy shabýyldaýshy qorǵaýshy
Boıy, salmaǵy: 178 sm, 73 kg
Azamattyǵy: Serbııa
Ulttyq qurama sapynda 49 oıyn ótkizgen.
Rıchard Almeıda
Týǵan kúni: 20.03.1989
Alańdaǵy orny: ortalyq jartylaı qorǵaýshy / shabýyldaýshy jartylaı qorǵaýshy / tirek jartylaı qorǵaýshy
Boıy, salmaǵy: 178 sm, 67 kg
Azamattyǵy: Ázerbaıjan
Ulttyq qurama sapynda 8 oıyn ótkizgen.
***
Reseıde ótip jatqan Álem chempıonatynyń qatysýshysy Antonıo Rýkavına klýbtyń baspasóz qyzmetine bergen suxbatynda nelikten Qazaqstannyń tórt dúrkin chempıonyn tańdaǵany týraly aıtty:
- Men "Astana" týraly kóp bilemin, óıtkeni Ispanııanyń "Vılıarreal" komandasynyń quramynda Qazaqstan astanasynda ÝEFA Eýropa Lıgasynyń matchyna qatystym. Sondyqtan da "Astana" - Qazaqstandaǵy úlken klýb ekenin bilemin. Klýb basshylyǵy meni Qazaqstanda kórgisi kelip, birer saǵattyń ishinde usynys jiberdi. Usynys maǵan týra keldi, mine men osyndamyn.
- "Astananyń" usynysyn qabyldaýdan buryn kimmen bolsa da aqyldastyńyz ba?
- Árıne, "Astanada" Balqan túbeginiń oıynshylary birshama. Men klýbtaǵy axýal, otbasymnyń qaladaǵy ómir súrý jaǵdaıy týraly solardan suradym. Olardyń barlyǵy da qala jáne klýb týraly tek qana jyly pikirler bildirdi.
- "Astanada" óz aldyńyzǵa qandaı maqsattardy qoıasyz?
- Men bıyl kareramda alǵash ret Eýropa Chempıondar lıgasynyń toptyq kezeńinde oınaýǵa áreket jasaımyn. Árıne, biz áli irikteý kezeńiniń basynda turǵanymyzdy túsinemin. Biraq "Astananyń" óz aldyndaǵy mindettemelerin oryndaı alatynyna - Qazaqstan chempıonatyn utyp, eýrokýboktardyń toptyq kezeńinde oınaı alatynyna senimdimin.
