«Astana» fýtbol klýby Dýbaıda oqý-jattyǵý jıynyn ótkizýde

Bul astanalyqtardyń jańa maýsymǵa daıyndyq barysyndaǵy ekinshi jıyny bolmaq. 5 qańtar kúni bastalǵan bul ázirlik 20 qańtarǵa deıin jalǵasatyn bolady.

Buǵan deıin olar alǵashqy jıynyn 14-25 jeltoqsan kúnderi Astanadaǵy óz bazasynda ótkizgen edi. Dýbaıda bul joly 3 baqylaý oıyny ótkizilmek. Klýbtyń baspasóz qyzmetiniń habarlaýynsha, ázirge qarsylastardyń kim bolatyny jáne bul oıyndardyń qaı kúni ótetini ázirge naqtylanbaǵan.

2009 jyly qurylǵan astanalyq klýb 2009, 2013 jyldary el chempıonatynyń kúmis júldegeri, 2010, 2012 jyldary Qazaqstan kýbogynyń, al 2011 jyly Qazaqstan sýperkýbogynyń ıegeri atanǵan bolatyn. Sońǵy el birinshiliginde Premer-Lıgada olar 116 oıyn ótkizdi. Onyń 63-inde basym túsip, 31-inde jeńilse, 22-sinde teń oınady. Sondaı-aq, Qazaqstan kýbogy saıysyndaǵy 17 oıynnyń 12-sinde qarsylastarynan mereıi ústem bolyp, ekeýinde jeńilip, ekeýin teń aıaqtady.