«Astana» fýtbol klýby bıylǵy maýsymda alańda eń uzaq oınaǵan oıynshylaryn anyqtady
ALMATY. 31 jeltoqsan. QazAqparat - «Astana» fýtbol klýbynyń baspasóz qyzmeti bıylǵy maýsymnyń qorytyndysyn jarııalady.
Alańda eń uzaq oınaǵan oıynshylar tizimin qaqpashy Nenad Erıch bastap tur. Ol alańda 3270 mınýt boıy óz qaqpasyn qorǵaǵan. Odan keıingi oryndardy qorǵaýshylar Vıktor Dmıtrıenko (3166 mınýt), Abzal Beısebekov (2984 mınýt), brazılııalyq Zelao (2838 mınýt) pen Valerıı Korbkın (2550 mınýt), Foksı Ketevoama (2523 mınýt), Qaırat Nurdáýletov (2386 mınýt), Marat Shahmetov (2297 mınýt) ózara bólisýde. Al qosalqy quramdaǵy oıynshylar arasynda qorǵaýshy Ádil Jaqypbekov kósh bastaýda. 2634 mınýt boıy alańda bolǵan ony tek 3 matchta ǵana oıyndy birinshi mınýttan emes, bapkerler sheshimimen ózge oıynshylardy almastyrý kezinde oıynǵa aralasqan kórinedi. Úzdik bestikke sondaı-aq, Jumajan Musabekov (2057 mınýt), Islambek Qulekenov (1032 mınýt), Igor Popadınets (1870 mınýt), Bımýhamed Bókeev (1860 mınýt) enip otyr.
