«Astana» fýtbol klýbyna jańa bas dırektor keldi

ASTANA. KAZINFORM — «Astana» fýtbol klýbynyń bas dırektory qyzmetine Qaısar Bekenov taǵaıyndaldy.

Dırektorlar keńesiniń tóraǵasy Mıhaıl Gýrman elordalyq klýbtyń ujymyna búgin jańa basshyny tanystyrdy.

Qaısar Raýfuly 2013-2019 jyldary klýbta basshylyq qyzmette bolyp, elordalyq klýbtyń altyn dáýirinde komandamen birge el ishindegi barlyq trofeılerdi jeńip aldy, sondaı-aq eýrokýboktarda tarıhı jetistikterge qol jetkizdi.

«Astana» — Qazaqstan fýtboly tarıhynda Chempıondar lıgasynyń toptyq kezeńine shyqqan tuńǵysh komanda boldy, sondaı-aq Eýropa lıgasynyń toptyq kezeńinen pleı-off kezeńine ótken alǵashqy ujym atandy.

Ótken jyly Qaısar Bekenov klýbta marketıng jáne qoǵamdyq baılanystar baǵytyna jaýapty boldy.

Buǵan deıin «Astananyń» bas dırektory qyzmetin atqarǵan Ǵazınur Álimov basqa jumysqa aýysýyna baılanysty «Astana» fýtbol klýbynyń ujymynan ketti.

Eske salsaq, búgin Ulttyq akademııalyq kitaphana dırektory taǵaıyndalǵanyn jazdyq.