«Astana» Frantsııanyń «Shamblı» klýbyn jeńdi
ASTANA. QazAqparat - Djýnıor Kabananganyń goly frantsýzdyq «Shamblıdi» jeńýge múmkindik berdi, dep habarlaıdy «SPORTINFORM» SAA.
Elordalyq komanda Frantsııada jyldyń basty matchyna - «Rennge» qarsy Eýropa Lıgasynyń toptyq kezeńindegi aqtyq synǵa daıyndalyp jatyr. Grıgorıı Babaıannyń komandasy oıyn yrǵaǵyn qalyptastyrý maqsatynda «Shamblı» Lıga 3 klýbyna qarsy joldastyq match ótkizdi. Bul kezdesýde shabýylshy Djýnıor Kabananga ǵana gol saldy. Ol Qazaqstan chempıony retinde qaıta oralǵan sátten bastap resmı matchtarda áli bir de bir ret gol salmaǵan edi.
Eske salaıyq, 9 jeltoqsanda «Renn» ishki chempıonat aıasynda óz alańynda «Dıjondy» jeńgen bolatyn.
