«Astana» FK juldyzdary jas fýtbolshylarǵa arnap sheberlik sabaǵyn ótkizdi
ASTANA. QazAqparat - Jankúıerler súıikti fýtbolısterinen qoltańba alyp, selfıge túsýine múmkindik aldy, dep habarlaıdy astanalyq ákimdiktiń medıa ortalyǵy.
Astana qalasy prokýratýrasynyń «Jasóspirimder arasyndaǵy qylmystyń aldyn alýdy jańǵyrtý» jobasy boıynsha «Astana Arena» stadıonynda «Astana» FK negizgi quramy sheberlik synybyn ótkizdi.
Basqosýdan keıin qatysýshylar fýtbolshylarmen birge sýretke túsip, (selfı jasap), qoltańba alýyna múmkindik týdy.
«Balalar men jasóspirimdermen ótkizilip jatqan bul kezdesýdiń maqsaty - jasóspirimder arasyndaǵy qylmystan saqtandyrý, olardy sport jáne dene tárbıesine nazar aýdartý», - delingen Astana qalasynyń dene tárbıesi jáne sport basqarmasynyń baspasóz málimdemesinde.
Sheberlik sabaǵy kúndiz saǵat 15:30 bastaldy. Sharany Astana qalalyq dene tárbıesi jáne sport basqarmasy men Astana qalasynyń prokýratýrasy uıymdastyrdy.
