«Astana» FK sapyna besinshi shabýylshy kelip qosyldy
ASTANA. QazAqparat - «Astana» FK Kıýrasao quramasynyń jáne Belgııanyń «Gent» komandasynyń shabýylshysy Rangelo ıAngamen kelisimshartqa qol qoıdy, dep habarlaıdy «SPORTINFORM» SAA.
ıAnga «Astananyń» bıylǵy maýsymdaǵy besinshi shabýylshysy boldy. Qazir komandada budan basqa qazaqstandyq shabýylshylar Alekseı Şetkın men Roman Murtazaev, serbııalyq Djordje Despotovıch jáne kongolyq Djýnıor Kabananga bar. Bul aıtylǵandardan bólek, elordalyq ujym jýyrda ǵana brazılııalyq shabýyldaýshy, jartylaı qorǵaýshy Pedro Enrıkeni de qataryna alǵan bolatyn.
«Astana» FK baspasyóz qyzmetiniń málimdeýinshe, ıAnga Rotterdamda dúnıege kelip, ártúrli jastaǵy Gollandııa jasóspirimder quramasynda dop tepken. Al eseıgen shaǵynda óz teginiń quramasy - Kıýrasaony (Nıderlandtyq Antıl araldary) tańdaǵan. Ol óz ulttyq quramasy sapynda 2017 jyly Karıb Kýbogynda jeńiske jetken. Rangelo ıAnga Kıýrasao quramasy sapynda 10 oıyn ótkizip, 4 gol soqqan.
Klýbtyq deńgeıdegi sońǵy maýsymda ıAnga eki chempıonatta óner kórsetti. 2018 jyldyń kókteminen bastap Belgııada «Gent» sapynda oınap, osy komandamen birge Eýropa Lıgasyna joldama alyp, 17 oıynda 5 gol soǵyp, 4 nátıjeli pas berdi.
Rangelo 2017/18 maýsymnyń basynda Slovakııalyq «Trenchın» sapynda óner kórsetip, 17 oıynda 14 gol soqty. 26 jastaǵy shabýylshy 2016/17 jyldardaǵy maýsymda dál sol slovakııalyq «Trenchın» sapynda oınap, 14 gol soǵý arqyly chempıonattyń úzdik surmergenderi qatarynan kórindi.
ıAnga óz eńbek jolynda gollandııalyq «Vılıam II», «Ekselsıor» jáne «Dordreht» komandalary sapynda dop tepken.
Eske sala keteıik, «Astana» Chernogorııanyń «Sýteskasyn» eki oıynda da jeńip, Eýropa Chempıondar lıgasynyń birinshi irikteý kezeńinen súrinbeı ótken bolatyn.
