«Astana» FK sal aýrýyna shaldyqqan balanyń emine qarajat jınap berdi
12 jyl buryn sap-saý dúnıege kelgen Raıymbek Mergenbaev 9 aılyǵynda salǵyrt dárigerlerdiń ekpesinen tserebraldy sal aýrýyna (TsSA) shaldyǵyp, múgedekter arbasyna tańylǵan. Balasynyń aty jaman aýrýǵa shaldyqqanyn estigen Raıymbektiń ákesi otbasyn tastap ketken. Raıymbektiń anasy Raıa Mergenbaeva búldirshinniń jalǵyz janashyry bolyp otyr. Raıa Mergenbaeva - ekinshi toptaǵy múgedek. Memleket tarapynan Mergenbaevtar otbasyna jıi kómek kórsetilip, zeınetaqy ýaqytyly tólenip turǵanymen, ol qarajat balanyń emine jetkiliksiz. Onyń ústine, kómekke zárý otbasynyń baspanalary da joq. Qazirgi tańda olar týystarynyń shańyraǵyn panalaýǵa májbúr.
«Astana» fýtbol klýbynyń ujymy Raıymbektiń Qytaı elinde tselebraldy sal aýrýyn emdeıtin arnaıy ortalyqta jasalatyn em-domy úshin qarajat jınap berdi. Odan bólek, elordalyq komandanyń ókilderi Raıymbekke óz esimi jazylǵan komanda jeıdesin syıǵa tartyp, aldaǵy maýsymda «Astana Arena» stadıonynda ótetin Qazaqstan chempıonatynyń oıyndaryna shaqyrdy.
Atap ótken jón, «Astana» komandasy múmkindigi shekteýli jandarǵa stadıonnan arnaıy oryn bólip, oıyndy barynsha qolaıly jaǵdaıda tamashalaýǵa múmkindik jasaýda. Kómekke zárý otbasyna qaıyrymdy jandar járdem kórsete alady. Fýtbol klýbynyń resmı saıtynda Raıymbektiń anasy Raıa Mergenbaevanyń baılanys nómirleri kórsetilgen.
«Astana - meıirimdi qala» aktsııasy 31 jeltoqsanǵa deıin jalǵasady. Oǵan kez kelgen adam qatysa alady. 