«Astana» FK rýmyndyq fýtbolshyǵa mıllıon dollarǵa kelisimshart usyndy
ASTANA. QazAqparat - Rýmyndyq jartylaı qorǵaýshy Erık Bıkfalvı Qazaqstanda óziniń sporttyq jolyn jalǵastyra alady. «Volyn» komandasy sapynda Ýkraına chempıonatynda on gol soqqan sańlaq sportshyǵa «Astana» fýtbol klýby qyzyǵýshylyq tanytýda.
«Astana» Bıkfalvıge mıllıon dollar somasynda kelisimshart usyndy. Alaıda Erık Qazaqstanǵa kelýge asyǵar emes. Sebebi ol mundaı jaǵdaıda óziniń quramaǵa qabyldaný múmkindigi edáýir azaıatynyn túsinedi.
Bıkfalvıge «Astanadan» basqa Túrkııa men Germanııadan da birneshe klýbtar kóz tigip otyr. Bıkfalvı «Volynmen» kelisimsharty aıaqtalýyna áli de jarty jyl bar ekenin, Lýtskidegi jaǵdaıyna qanaǵattanatyndyǵyn málimdedi, dep jazdy sports.kz.
