«Astana» FK Eýropa lıgasyndaǵy alǵashqy upaıyna ıe boldy
ASTANA. QazAqparat - Qazaqstanda Eýropa lıgasy aıasynda ótken "Astana" fýtbol klýby men "ıAng Boız" arasyndaǵy kezdesý teń aıaqtaldy.
"Astana Arena" stadıonynda ótken match 0:0 esebimen támamdaldy.
Matchty shveıtsarııalyq ujym belsendi bastaǵan. Alǵashqy qaýipti soqqy "Astana" qaqpasyna jasaldy. Alaıda baǵanadan serpilgen dopty qaqpashy Nenad Erıch qaıtara bildi. Onyń izin ala Iorık Rove men Mıralem Súleımanı alystan soqqy jasaǵan, biraq qaqpadan qıys ketti.
Birinshi taımnyń orta tusynan bastap, "Astana" fýtbolshylary basymdyqty óz qoldaryna aldy. Eń qaýipti múmkindik Djordje Despotovıchte bolǵan edi, biraq dop baǵanaǵa tıip, keıin serpildi. Sodan soń, Dmıtrıı Shomko óz kúshin synap kórgen, alystan tepken dop qaqpadan sál bıik ketti.
Ekinshi taım basynda komandalar qaqpa torýyldaýmen boldy. Alaıda qaýipti shabýyldar uıymdastyrylǵan joq. 67-mınýtta Nemanıa Maksımovıchke jaqsy pas túsken, degenmen ol qaqpa aldynda turyp, baǵanadan bıik tepti. 90-mınýtta "ıAng Boız" sapynan Denıs Zakkarııa jaqsy múmkindikke ıe boldy, biraq ol da dopty qaqpadan bıik jiberdi.
Aıta keteıik, "Astana" osy oıynnan keıin Eýropa lıgasynda bir upaı enshiledi.
