Astana Finance Days: AHQO men ońtústikkoreıalyq qarjy ortalyǵy kelisim jasasty
Qujatqa «AHQO Ákimshiligi» AQ Basqarma Tóraǵasy Nurlan Qusaıynov pen Pýsan qalasyn damytýdyń halyqaralyq qarjy ortalyǵynyń basshysy ıAng Ho Park qol qoıdy.
Taraptar bıznes-jelilerdi ózara tıimdi keńeıtýge, ekonomıkanyń ósýine jáne óńirlik jobalardy damytýǵa baǵyttalǵan biryńǵaı bıznes-strategııalar men jobalardy ázirleýdi jáne túrli baǵdarlamalar men is-sharalar arqyly bilim almasýdy kózdep otyr.
Pýsan qalasyn damytýdyń halyqaralyq qarjy ortalyǵy men AHQO halyqaralyq qarjy salasyndaǵy, qarjy quraldaryndaǵy úrdister, banktik, qarjylyq qyzmet kórsetý jáne baǵaly qaǵazdar týraly zańnama salalarynda ozyq jumys tájirıbesimen almasady.
Qos ortalyq semınarlar men konferentsııalar uıymdastyrýda, sondaı-aq qyzmetkerlerdi oqytý men kásiptik damytý salasynda bir-birine járdemdesetin bolady.
Aıta keteıik, «Astana» halyqaralyq qarjy ortalyǵy (AHQO) QR Tuńǵysh Prezıdenti Nursultan Nazarbaevtyń bastamasymen 2015 jyly «Bes ınstıtýtsıonaldyq reformany iske asyrý boıynsha 100 naqty qadam» Ult jospary aıasynda quryldy. AHQO maqsaty - shıkizat emes sektorǵa basa nazar aýdara otyryp, Qazaqstanǵa sheteldik ınvestıtsııalardyń aǵynyn ulǵaıtý, kapıtaldyń ishki naryǵyn damytý, perspektıvaly qarjy salalarynda jeke saraptama jasaý.
