Astana Finance Days 2026: Astanada 80-nen astam eldiń ókilderi bas qosady
ASTANA. KAZINFORM — 9–10 qyrkúıekte Astanada IX Astana Finance Days 2026 halyqaralyq qarjy forýmy ótedi. Іs-sharany «Astana» halyqaralyq qarjy ortalyǵy (AHQO) uıymdastyrady.
2018 jyly qurylǵan sátten bastap Astana Finance Days Eýrazııa óńiriniń kapıtal naryqtaryn damytýǵa jáne Qazaqstanda jańa bıznes múmkindikterin qalyptastyrýǵa yqpal etetin negizgi qarjy forýmdarynyń biri retinde tanyldy.
2026 jyly forýmǵa álemniń 80 astam elinen 5 500-den astam qatysýshy keledi dep kútiledi. Olardyń qatarynda ınvestorlar, qarjy jáne tehnologııa sektorlarynyń ókilderi, memlekettik organdar, retteýshiler men halyqaralyq bıznes kóshbasshylary bar: Jaslan Mádıev (QR JITsDM), Tımýr Súleımenov (QR Ulttyq banki), Elena Bahmýtova (Qazaqstan qarjygerleri qaýymdastyǵy), Kýbanychbek Omýralıev (Túrki memleketteri uıymy), Samı Ibragım Al-Sývaılem (Islamic Development Bank Institute), Tımýr Týrlov (Freedom Holding Corp.), Kırıll Homıakov (Binance), Aleksandr Dıakovskıı (ITS), Sanjar Jamalov (Mastercard), Ibrahım Janlyel (Air Astana), Ben Paýell (BlackRock), Iylmaz Kodjagóz (Goldman Sachs), Djad Ellaýn (Brookfield), Afına Mıao (BigONE Eurasia), Devıd Sol (FTSE Russell), Sallıenn Teılor (Bloomberg), Aıda Chodýlova (Kyrgyz Stock Exchange), Aleksandr Krýglov (Telegram/TON), Drıý Gaff (Siguler Guff), Djoshýa Chang (Hong Kong Investment Corporation), Djonson Chýı (Hong Kong Exchanges and Clearing), Ho Jýıjýn (Shanghai Stock Exchange), Barrı Chan (CICC) jáne jahandyq qarjy naryǵynyń basqa da bedeldi sarapshylary bar.
— AFD 2026 praktıkalyq sheshimder ázirleýge baǵyttalǵan tereńdetilgen pikirtalastar formatynda ótedi. Forým qatysýshylary jahandyq trendterdi talqylap, bıznes pen ınvestıtsııa úshin jańa baǵyttardy zerdeleýge, qarjylyq qyzmetterdiń kásibı kórmesine qatysýǵa, sondaı-aq ınvestorlarmen, top-menedjerlermen jáne sala kóshbasshylarymen iskerlik baılanystar ornatýǵa múmkindik alady, — delingen habarlamada.
Forým baǵdarlamasyna pikirtalastarmen qatar AFD Exhibition kórmesi de kiredi. Kórme alańynda bankter, qarjy ınstıtýttary, ınvestıtsııalyq jáne basqarýshy kompanııalar, fınteh jáne tehnologııalyq jobalar óz ónimderi men sheshimderin tanystyrady.
Uıymdastyrýshylardyń aıtýynsha, Astana Finance Days negizgi maqsaty — ınvestıtsııalyq baılanystardy nyǵaıtyp, jańa jobalar men halyqaralyq seriktestikterge jol ashý.
Qatysýshylardy tirkeý jáne forým baǵdarlamasy Astana Finance Days resmı saıtynda qoljetimdi.
