Astana fılarmonııasy Parıj tórinde óner kórsetti
ASTANA. 18 sáýir. QazAqparat - Parıjde «Halyqaralyq mádenıetter úndesýiniń 10 jyldyǵy» atty jobanyń tusaýkeseri ótti. Joba 2011 jyly ıÝNESKO Bas konferentsııasynyń 36-sessııasynda qabyldanǵan. Bıyl Qazaqstan usynǵan joba álemniń 26 memleketinen qoldaý taýyp otyr. Osy aýqymdy sharaǵa oraı ıÝNESKO-nyń Parıjdegi shtab-páterinde atalǵan uıymnyń Atqarýshy Keńesiniń 191-shi sessııasynda joba júzege asyp, ıÝNESKO-daǵy Qazaqstannyń turaqty ókildigi men Astana qalasynyń ákimdigi halyq aspaptar orkestriniń kontsertin uıymdastyrdy, dep jazady astana.kz.
«Bul jobada Qazaqstannyń atqaratyn mindeti zor. Biz qazaq elin Atqarýshy Keńestiń bedeldi múshesi ǵana emes, mádenıetaralyq sharalar men dinaralyq suhbattastyqty uıymdastyrýshy birden - bir memleket dep bilemiz»,-dedi ıÝNESKO-nyń bas dırektory Irına Bokova.
Parıj tórinde Astana memlekettik fılarmonııasynyń ónerpazdary óner kórsetip, Qurmanǵazynyń kúıi kúmbirlep, qazaq áni qalyqtady. Azamat Jyltyrkózov, Aızada Qaponova, Edil Qusaıynov, Aıgúl Qosanova jáne taǵy basqa da ártister sahnanyń sánin keltirip, halyq rızashylyǵyna bólendi. Kontsert balet ártisteri men «Beles» toby, «Shalqyma» ansambliniń ónerimen jalǵasyn tapty.
