Astana Eýropa men Azııanyń gaýhar tasyna aınaldy - Lıtva Prezıdenti
ASTANA. QazAqparat - Búginde Qazaqstan halqy Astana kúnin toılaýda. Óıtkeni, elordanyń týǵan kúni - jalpyhalyqtyq mereke. Astana Qazaqstan halqynyń rýhanı órleýiniń tiregine, birligi men yntymaǵynyń belgisine, elimizdiń jasampaz jeńisteriniń kórinisine jáne qazaqstandyq armannyń iske asýynyń aıqyn dáleline aınaldy.
«QazAqparat» halyqaralyq aqparattyq agenttigi memlekettik, qoǵamdyq jáne dinı qaıratkerlerdiń Qazaqstan jáne onyń elordasy jaıly quttyqtaýlaryn,pikirleri men tilekterin sizderdiń nazarlaryńyzǵa usynady.
«Qazaqstannyń jetistigi - az ýaqyttyń ishinde Astana Eýropa men Azııanyń jáne sizderdiń memleketterińizdiń gaýhar tasyna aınaldy. Bul Prezıdentterińiz ben halqyńyzdyń qosqan úlesi. Bul sizderdiń elderińizdiń qarqyndy damyp, bul aımaqtyń ortalyǵyna aınalyp jatqanyn kórsetedi. Memleketterińiz tez damyp, álemdik arenada mańyzdy oryn alǵany qýantady»,- degen Lıtva Prezıdenti Dalıa Grıbaýskaıte óz quttyqtaýynda.
