«Astana» Eýropa Lıgasynyń pleı-off kezeńine ótpeı qaldy
ASTANA. QazAqparat - Eýropa Lıgasynyń toptyq kezeńiniń 5-týryndaǵy matchta «Olımpıakos» pen «ıAng Boız» teń túsip, «Astanany» toptan shyǵý múmkindiginen aıyrdy.
Pıreıdegi «Karaıskakıs» stadıonynda ótken match 1:1 esebimen aıaqtaldy. 48-mınýtta «Olımpıakostyń» jartylaı qorǵaýshysy Konstantınos Fortýnıs esep ashsa, 58-mınýtta shveıtsarııalyq komandanyń shabýylshysy Gııom Oaro esepti teńestirdi, dep jazdy Sports.kz.
Osylaısha, bes oıynnan keıingi «V» tobyndaǵy týrnırlik jaǵdaı: APOEL - 9 upaı, «Olımpıakos» - 8, «ıAng Boız» - 5, «Astana» - 5.
Atap ótken jón, «ıAng Boız» ben «Astana» sheshýshi týrda jeńiske jetse de, jeke kezdesý boıynsha «Olımpıakos» olardan basym túsip tur.
8 jeltoqsan kúni APOEL men «Olımpıakos» Nıkosııada kezdesip, toptan kimniń shyǵatyny anyqtalady, al Bernde «ıAng Boız» «Astanany» qabyldaıdy.
Eske sala ketsek, «Astana» fýtbol klýby óz alańynda kıprlik APOEL-den basym tústi. Bıylǵy Qazaqstan chempıonynyń eýrokýboktaǵy tabysy 4 mıllıon eýrodan asty. Keshegi kıprlik APOEL-di Eýropa Lıgasynyń 5-irikteý týry aıasynda jeńýi «Astana» qorjynyna taǵy 360 myń eýro ákeldi.
