«Astana» Eýropa lıgasynda APOEL-den utyldy
ASTANA. QazAqparat - «Astana» klýby Nıkosııada (Kıpr astanasy) Eýropa lıgasy toptyq kezeńiniń birinshi kezdesýinde APOEL-ge jol berdi, esep - 1:2, dep habarlaıdy Sports.kz.
Jankúıerlerdiń elorda klýby Premer-Lıgada almatylyq «Qaıratpen» ótkizgen sátsiz oıynnan keıin eýrokýbokta kıprlikter utady degen úmiti aqtalmady. Qorǵanystaǵy myqtynyń biri ıÝrıı Logvınenko jaraqat alyp qalǵan soń kútkendegıdeı nátıje bolmady.
Stanımır Stoılovtyń bastapqy quramynda eki shabýylshy - Djordj Despotovıch men Jýnıor Kabananga boldy, sol kezde Patrık Tvýması zapasta otyrdy.
Alań ıeleri alǵashqy mınýttan bastap shabýylǵa kóshti. Oıynnyń 11-shi mınýtynda Despotovıch jaqsy dop baǵyttaǵany men qaqpaǵa kirmedi.
Kıprlikter shabýyla sońyna qaraı azaıdy, taım sońynda sharshaǵany bilinip turdy, alaıda «Astana» osyny sátti jaqsy paıdalana almady. Sońyna qaraı alystan baǵyttalǵan Nemanı Maksımovıchtiń soqqysy qaqpanyń tómengi buryshyna soǵylyp kirip ketti, esep - 0:1.
Úzilisten keıin «Astana» shabýyldy údetti. Alaıda dopty kıprlikter qaǵyp alyp, aıyp alańy mańynan shyǵarmady.
Eki komanda da oıynshylardy aýystyrdy. Alańǵa Fakýndo Bertolo men Patrık Tvýması shyqty. Alaıda eki jaqtan da jasalǵan shabýyl nátıje bermedi. Erıch soqqan kezekti aıyp dobyn Vınısıýs qaqpaǵa baǵyttady. Esep teńesti. Ashat Taǵybergendi Serikjan Mýjıkovpen almastyrý «Astananyń» qorǵanysqa kóshkendigin kórsetti, osy tusta qarsy jaq alańǵa tájirıbeli shabýylshy Vanderdi shyǵardy. Oıynnyń sońǵy mınýttarynda APOEL gol saldy, ony oıynshy almastyrǵan Igor de Kamargo júzege asyrdy - 2:1. Bul oıynnyń sońǵy goly edi.
29 qyrkúıekte «Astana» shveıtsarııalyq «ıAng Boızben» kezdesedi. Matchtyń bastalýy saǵat 21:00-de.
APOEL (Nıkosııa, Kıpr) - «Astana» (Astana, Qazaqstan) 2:1 (0:1)
Goldar: Maksımovıch 45+1 (0:1), Vınısıýs 75 (1:1), de Kamargo 87 (2:1)
Eskertý: Moraısh 61, Vınısıýs 63, Vander 90+5 - Kanıas 29, Shomko 33, Tvýması 66, Mýjıkov 72, Taǵybergen 85, Shıtov 90+1
APOEL: Vaterman, Lago, Karlao, Efrem (de Kamargo 70), Orlandı (Bertolo 56), Vınısıýs, Sotırıý, Mılanov, Astıs, Moraısh, ıAnnıotas (Vander 78)
«Astana»: Erıch, Anıchıch, Maksımovıch, Mýjıkov (Magybergen 77), Despotovıch (Tvýması 57), Shıtov, Beısebekov, Malyı, Kabananga (Nóserbaev 70), Shomko, Kanıas
Bas tóreshi: Aleksandar Stavrev (Makedonııa).
FOTO: sports.kz
