«Astana» Eýropa lıgasy pleı-off kezeńinde qaı komandamen oınaýy múmkin
ASTANA. QazAqparat - Eýropa lıgasy toptyq kezeńiniń 4-týr oıyndary qorytyndylandy, dep habarlaıdy QazAqparat Sports.kz-ke silteme jasap.
Toptyq kezeńniń aıaqtalýyna áli eki týr bar, degenmen keı komandalar pleı-offqa shyǵý máselesin sheship úlgerdi.
Óz toptarynan shyǵyp úlgergen komandalar mynalar: «Chelsı» (Anglııa), «Aıntraht» (Germanııa), «Latsıo» (Italııa), «Baıer» (Germanııa), «Tsıýrıh» (Shveıtsarııa), «Arsenal» (Anglııa), «Dınamo» (Horvatııa).
Eger «Astana» pleı-off kezeńine joldama alsa, osy komandalardyń birimen kúsh synasýy múmkin. Elordalyqtar ornalasqan K tobyndaǵy qazirgi keste boıynsha, «Dınamo» (Ýkraına) men «Astana» (Qazaqstan) - 8 upaıdan, «Renn» (Frantsııa) - 3, «ıAblonets» (Chehııa) - 2 upaı jınaǵan.
Eske sala keteıik, ótken maýsymda «Astana» osy týrnırdiń pleı-off kezeńinde oınaǵan. 1/16 fınalda elordalyq ujym Portýgalııanyń «Sportıng» komandasynan jalpy 4:6 (1:3 - óz alańynda, 3:3 - syrt alańda) esebimen utylyp qalǵan bolatyn.
