«Astana-ERTs» JShS bas dırektoryna qatysty qylmystyq is qozǵaldy
ASTANA. 29 sáýir. QazAqparat - QR Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasy) Astana qalasy boıynsha departamenti «Astana-ERTs» JShS bas dırektoryna qatysty qylmystyq is qozǵady. Bul týraly qarjy polıtsııasynyń baspasóz qyzmetinen habarlady.
Qylmystyq is QR QK 176 baby 3 bóliminiń «b,g» tarmaqtary boıynsha (senip tapsyrylǵan bógdeniń múlkin ıemdenip ketý nemese talan-tarajǵa salý) qozǵaldy.
«Azamat K. 2012 jyldyń shilde aıynda «Astana-ERTs» JShS-ne tıesili ǵımaratta kúrdeli jóndeý júrgizbeı, sol arqyly memleketke 1,5 mln. teńge kóleminde shyǵyn keltirgen», - delingen baspasóz qyzmetiniń habarlamasynda.
«Astana-ERTs» JShS - kommýnaldyq qyzmetter úshin tólemderdi esepteý jáne jınaýdy jetildirýmen aınalysatyn arnaıy kásiporyn.
