Astana English School daryndy balalar gımnazııasynda alǵashqy Bilim kúni ótedi
ASTANA. QazAqparat - 2015 jyldyń 1 qyrkúıeginde Qazaqstan Respýblıkasy Bilim jáne ǵylym mınıstri Aslan Sárinjipov daryndy balalarǵa arnalǵan jańa № 81 «Astana English School» gımnazııasyna barady, dep habarlanǵan mınıstrlik saıtynda.
1200 orynǵa arnalǵan «Astana English School» № 81 gımnazııasy mektep oqýshylaryna óz esigin alǵash ret ashqaly otyr. Mekteptiń jalpy aýdany - 11765,60 sh.m., barlyǵy 54 kabınet, onyń 2 - mýltımedııalyq, akt zaly, kitaphana, aǵash pen metall jáne matany óńdeý sheberhanalary. Munda sabaq qazaq jáne aǵylshyn tilderinde oqytylady. Bilim kúnine arnalǵan saltanatty sapqa turý saǵat 10.00-de bastalady.
2015 jyly birinshi synypqa shamamen 340 myń qazaqstandyq búldirshinder barady. Olardyń árqaısysy, sonyń ishinde №81 gımnazııasynyń 34 birinshi synyp oqýshysy, ómirleriniń alǵashqy oqý jylynda Qazaqstan Respýblıkasynyń Prezıdenti Nursultan Nazarbaevtyń atynan estelik syılyqqa «Meniń Otanym - Qazaqstan» atty kitabyn alady. Saltanatty sharanyń sońynda QR BǴM mınıstri A.Sárinjipov jáne BǴM qyzmetkerleri jańa gımnazııanyń jumysymen tanysady. Sondaı-aq qonaqtar 5 synyp oqýshylarynyń aǵylshyn tilinde ótetin ınteraktıvti sabaǵyna, 7 synypqa arnalǵan aǵylshyn tilinde ótetin «Qazaqstan joly: 5 reforma jáne 100 qadam» taqyrybyndaǵy synyp saǵatyna, 6 synypqa arnalǵan aǵylshyn tilinde ótetin bıologııa sabaǵyna jáne «EXPO-2017 - bolashaqqa senimdi qadam» taqyrybyndaǵy aǵylshyn tili sabaǵyna qatysady. Sodan keıin A.Sárinjipov «Astana English School»-dyń pedagogıkalyq ujymymen kezdesý ótkizedi, dep josparlanǵan.
