13:59, 11 Aqpan 2024 | GMT +5
«Astana Energııa» AQ elordadaǵy JEO-2-de apat bolǵanyn joqqa shyǵardy
ASTANA. KAZINFORM – «Astana Energııa» AQ elordadaǵy JEO-2-de apat bolmaǵanyn málimdedi.
«9 aqpanda saǵat 11:44 kezinde retteý júıesindegi aqaýǵa baılanysty tórtinshi týrboagregat óshirildi. Sonyń saldarynan kompensantor ajyrap qaldy. Atap aıtqanda, bul jaǵdaı apat retinlde sanalmaıdy. Barlyq júıe retke keltirilip, tórtinshi týrboagregat iske qosyldy. Oǵan túsetin júkteme burynǵydaı 100 mVat shamasynda. Osy jaǵdaı JEO-2 jumysyna eshqandaı áser etken joq», - delingen taratylǵan habarlamada.
Energetıka mınıstrliginiń baspasóz qyzmeti dál qazir ekinshi jylý elektr ortalyǵyndaǵy tórtinshi týrbına qalyp rejımde jumys istep turǵanyn rastady. Ondaǵy aqaý elektr jáne jylý energııasyn shektemedi.