Astana emhanalarynyń dárigerleri Orman zaýyty shaǵynaýdanynda aktsııa ótkizedi
ASTANA. 15 tamyz. QazAqparat - 16 tamyzda Astananyń Orman zaýyty shaǵynaýdanynda «Densaýlyq joly» aktsııasy ótedi. Bul týraly QR Densaýlyq saqtaý mınıstrliginiń baspasóz qyzmetinen málim etti.
Іs-shara Aqbıdaı kóshesi, 15 meken-jaıynda ornalasqan «Orman zaýyty» alǵashqy medıtsınalyq-sanıtarlyq kómek ortalyǵynda ótedi. Aktsııa barysynda Astana qalasynyń emhanalarynan quralǵan dárigerler brıgadasy aýdan turǵyndaryn qarap, keńester beretin bolady.
Aktsııanyń maqsaty - shaǵynaýdan turǵyndarynyń densaýlyǵyn saqtaý men nyǵaıtý máselesine qoǵam men bılik organdarynyń nazaryn aýdartý, sonymen qatar áleýmettik máni bar aýrýlardyń aldyn alý máselesi boıynsha turǵyndary arasynda aqparattyq-aǵartý jumystaryn júrgizý jáne praktıkalyq kómek kórsetý.
