Astana emhanalaryndaǵy tirkeý bólimi ne sebepti nashar jumys isteıdi
ASTANA. QazAqparat - Astana qalasynyń densaýlyq saqtaý basqarmasy qalalyq emhanalardaǵy tirkeý bólimderiniń ne sebepti nashar jumys isteıtini jaıly suraqqa jaýap berdi.
«Emhanalardaǵy kezekti azaıtý jáne halyqqa qyzmet kórsetý deńgeıin kóterý maqsatynda tirkeý bóliminiń jumysy ońtaılandyryldy. Naýqastardyń úıine baryp qyzmet kórsetý ýaqyty ulǵaıtyldy jáne jumys kúni keshki 20:00-ge deıin uzartyldy. Telefon, veb-saıt arqyly aldyn ala jazylý múmkindigi qarastyrylýda jáne qosymsha telefondar ornatyldy. UOS ardagerlerine bólek qyzmet kórsetý uıymdastyryldy. Senim telefony da jumys istep tur», - dep jazdy mekemeniń baspasóz qyzmeti áleýmettik jelilerde.
Keıbir emhanalardyń tirkeý bóliminde áleýmettik qyzmetkerler (psıhologtar) tabysty eńbek etýde. Qalanyń barlyq emhanalarynda jastar ortalyǵy bar, onyń negizgi maqsaty jastarǵa psıhologııalyq, profılaktıkalyq, áleýmettik kómek jáne aqparattyq qoldaý bildirý. Búgingi tańda qalada 10 jastar ortalyǵy bar, onda senim telefondary jumys isteıdi jáne dárigerler, psıhologtar jáne áleýmettik qyzmetkerler aqyl-keńesterin beredi.
«Astana qalasynyń № 4, 5, 7, 8, 9,10 qalalyq emhanalarynyń tirkeý bólimderine elektrondy kezek júıesi engizilgen. Sol arqyly kútý ýaqyty azaıdy, kelýshilerge yńǵaıly jaǵdaı jasaldy jáne janjaldy oqıǵalar azaıdy. Dál osyndaı júıeler bıyl qalanyń barlyq emhanalaryna engiziledi», - delingen habarlamada.
