Astana emhanalarynda jurtshylyqqa tegin keńes beriledi
ASTANA. QazAqparat - 18 qarashada saǵat 12:00-de №1 qalalyq aýrýhanada Dúnıejúzilik sozylmaly obstrýktıvti ókpe aýrýlaryna qarsy kúres kúni ótedi. Shara barysynda elordalyq belgili pýlmonolog dárigerler naýqastarǵa keńes berip, dárigerler úshin dárister oqıdy, dep habarlaıdy astana.kz.
Keńes alýǵa jáne dáris tyńdaýǵa qyzyǵýshylyq tanytqandarǵa №1 qalalyq emhanaǵa tegin aparý uıymdastyrylǵan. Avtobýstar kelesi medıtsınalyq mekenjaılardan qatynaıdy: 1) №5 qalalyq emhana (Aqan seri kóshesi, 20) saǵat 11.00-den 11:30-ǵa deıin; 2) №4 qalalyq emhana (Shevchenko kóshesi, 1) 11.00-den 11:30-ǵa deıin; 3) «Shapaǵat» medıtsınalyq ortalyǵy (Abylaı han dańǵyly, 30) 11.00-den 11:30-ǵa deıin. Aıta keteıik, atalmysh aktsııanyń maqsaty - aýrý týraly málimetterdi keńinen arttyrý, naýqastarǵa kórsetiletin kómekti jaqsartý, temekige táýeldilikti tómendetýge yqpal etý, temekige qarsy kúreske halyqtyń barlyq toptaryn tartý, temeki shegýdiń aldyn alý jáne temekiniń aǵzaǵa zııandy áseri týraly qoǵamdy aqparattandyrý bolyp tabylady.
