Astana emhanalarynda jas otbasylarǵa arnalǵan Ashyq esik kúnderi ótedi
ASTANA. 4 qyrkúıek. QazAqparat - 5-6 qyrkúıekte astanalyq dárigerler barlyq emhanalarda tegin keńester beredi. Bul týraly astana.kz saıtyna qalalyq Densaýlyq saqtaý basqarmasynan habarlady. Ashyq esik kúnderi bıyl elimizde alǵash ret atap ótiletin Otbasy kúnine oraılastyrylyp otyr.
«Іs-shara aıasynda Astana qalasyndaǵy jas otbasylarǵa salaýatty ómir salty jáne reprodýktıvti densaýlyqty qorǵaý boıynsha tegin keńester beriledi. Budan basqa, psıholog, pedıatr, gınekolog, terapevt mamandary jeke kabınetterde jas otbasylardy qabyldap, dárigerlik kómek kórsetedi. Sonymen qatar, «Otbasyn josparlaý ortalyǵy» kabıneti de jumys isteıtin bolady»,- dep habarlady astana.kz saıtyna vedomstvonyń baspasóz qyzmetinen.
Atalǵan is sharanyń maqsaty - jastarǵa, otbasy qurǵandarǵa nemese qurýdy josparlap otyrǵandarǵa aqparattyq-bilim berý, sonyń ishinde, medıtsınalyq kómek kórsetý, sondaı-aq, áleýmettik mańyzdy aýrýlardyń aldyn alý jáne olardyń týyndaý faktorlaryn tómendetý máselesi boıynsha kómek kórsetý.
