Astana emhanalarynda qarttarǵa arnalǵan Ashyq esik kúnderi ótip jatyr
ASTANA. 1 qazan. QazAqparat - Búgin elordanyń barlyq emhanasynda qarttarǵa arnalǵan Ashyq esik kúnderi ótip jatyr, olar mamandarǵa tegin qaralyp, qajetti tekserýlerden ótedi.
Bul týraly astana.kz saıtyna qalalyq Densaýlyq saqtaý uıymynan habarlady.
Aıta keteıik, 1 qazanda elimizde Halyqaralyq qarttar kúni atap ótiledi. Osyǵan oraı, egde jastaǵy adamdarǵa qoǵam nazaryn kúsheıtý, qarııalardyń máseleleriniń mańyzdylyǵyn arttyrý, qoǵamda áleýmettik birigýi maqsatynda QR Úkimetiniń qaýlysymen 2013 jylǵy 1 qazanda respýblıka boıynsha atalǵan merekege baılanysty dekada bastalady.
Medıtsına mekemelerinde terapevt, kardıolog, endokrınolog, nevropatolog, psıholog mamandary jáne áleýmettik jumyskerler keńester beredi. Sonymen qatar, qarttar qant, holesterın deńgeılerin anyqtap, qan qysymdaryn ólshetedi. «Qartaıǵan shaqta durys tamaqtaný» saýalatty ómir salty boıynsha keńester alady», - delingen aqparatta.
Budan basqa, qalalyq emhanalarda qarııalarǵa arnalǵan mektep oqýshylarynyń qatysýymen merekelik baǵdarlamalar men syılyqtar ázirlendi.
