Astana emhanalarynda berilgen medıtsınalyq anyqtamalardyń jalǵan emestigin arnaıy saıtta anyqtaýǵa bolady
QR Memlekettik qyzmet isteri jáne sybaılas jemqorlyqqa qarsy kúres agenttigi departamentiniń tártiptik keńesinde memlekettik qyzmetkerlerdiń sybaılas jemqorlyqqa qarsy zańnama men ar-namys kodeksin buzý faktileri qaraldy. - Elbasy Nursultan Nazarbaev óziniń «Nurly jol - bolashaqqa bastar jol» Joldaýynda memlekettiń basty basymdyǵy retinde memlekettik qyzmetterdiń sapasynyń artýyna táýeldi bolyp otyrǵan halyqtyń ómir súrý deńgeıiniń nátıjeli ósýin atady, - dedi QR Memlekettik qyzmet isteri jáne sybaılas jemqorlyqqa qarsy kúres agenttiginiń elordalyq departamenti basshysynyń orynbasary, tártiptik keńes tóraǵasy Tilegen Qasqın. Elordalyq vedomstvo basshylary sybaılas jemqorlyqtyń aldyn alý jáne memlekettik qyzmetter sapasynyń artýy týraly baıandama jasady. - Jalǵan anyqtamalardy anyqtaý boıynsha jumystar júrgizilýde, - dedi Densaýlyq saqtaý basqarmasynyń basshysy Aıgúl Segizbaeva - Medıtsınalyq kitapshalar, syrqattyq paraqshalar jáne anyqtamalardyń satylǵany jaıly faktiler bar. Bizdiń vedomstvonyń bastamasymen 0.86/ý, 0.82/ý jáne 108/ý nusqasyndaǵy jalǵan anyqtamalardyń aldyn alý sharalary boıynsha tórtjaqty buıryqqa qol qoıyldy. Medıtsınalyq tekserý júrgizýge quqyly uıymdarda jyl saıyn ózgerip otyratyn blankterge golografııalyq qorǵanysh engizildi. Blankterde ınternet siltemesi kórsetilgen. 086.kz ınternet-resýrsyn jasadyq, sol jerde berilgen anyqtamalar jaıly aqparat ornalastyrylady. Sonymen qatar jıyn barysynda segiz tártiptik is talqylandy, olardyń beseýi jemqorlyqqa qarsy zańnamany buzý faktileri boıynsha qozǵaldy. Jıyn qorytyndysy boıynsha birqatar memlekettik organdar basshylaryna jekelegen laýazymdy tulǵalarǵa tártiptik jaza taǵaıyndaý usynysyn engizý týraly sheshim qabyldandy.
