Astana emhanalarynda bahılder tegin beriledi
ASTANA. QazAqparat - Astanada medıtsınalyq mekemelerde bahıl berýdi retteıtin biregeı qaǵıdalar ázirlenip jatyr. Bul týraly qalalyq densaýlyq saqtaý basqarmasynyń basshysy Kamaljan Nadyrov málim etti, dep habarlaıdy QazAqparat tilshisi.
Astana ákiminiń orynbasary Ermek Amanshaevtyń halyqqa esep berý kezdesýinde turǵyndar keı emhanalardyń bahıldi tegin beretinin, al birqatar emhanalardyń aqshaǵa satatynyn aıtyp, shaǵymdandy.
«Óte durys suraq. Sońǵy ýaqytta osy suraq jıi qoıylyp júr. Anyǵynda emhanalarda bul qyzmettiń tegin nemese aqyly bolýyn retteıtin naqty qaǵıda joq. Sol sebepti, qazir Memlekettik qyzmet isteri jáne sybaılas jemqorlyqqa qarsy is-qımyl agenttigimen birlesip, barlyq medıtsınalyq uıymdarǵa arnalǵan standarttardy naqtylaý men júıeleý boıynsha aýqymdy jumys atqarýdamyz. Jaqyn arada bul máseleni túbeıgeıli sheship, bahılder tek qana tegin beriledi degen oılamyn», - dep jaýap berdi Kamaljan Nadyrov.
