Astana emhanalary halyqty tirkeý naýqanyn jalǵastyrýda
ASTANA. 9 qazan. QazAqparat - Elordada 15 qyrkúıekten 15 qarashaǵa deıin alǵashqy medıtsınalyq-sanıtarııalyq járdem (AMSJ) kórsetetin uıymdarǵa turǵyndardy tirkeý boıynsha naýqan jarııalanǵan bolatyn.
Bul týraly astana.kz saıtyna qalalyq Densaýlyq saqtaý basqarmasynan habarlady. «Dáriger men medıtsınalyq uıymdy erkin tańdaý qaǵıdasy boıynsha naýqan aıasynda qalanyń árbir turǵyny emhanaǵa nemese AMSJ ortalyǵyna tirkele alady jáne budan ári oǵan osy mekemede qyzmet kórsetiletin bolady. Qazirgi ýaqytta AMSJ uıymyna tirkelý úshin turǵylyqty jeri týraly anyqtamanyń qajeti joq», - delingen aqparatta. Emhana patsıenttiń turǵylyqty jeri men buǵan deıingi tirkelgen uıymyn óziniń aqparattyq júıesi arqyly tekserýge quqyly. Tirkelý úshin azamat Astana qalasynyń aýmaǵynda turýy jáne jeke kýáligi men JSN bolýy qajet. Qoljetimdilik qaǵıdasyn eskere otyryp, barlyq nıet bildirýshiler tirkele alady, óıtkeni emhanalar turǵyndarǵa «belgili bir aýmaq» qaǵıdasy boıynsha qyzmet kórsetedi, ıaǵnı ár emhananyń, sol sııaqty ár ýchaskelik dárigerdiń óz qyzmet radıýsy belgilengen. Ol osy belgili bir aýmaqta ǵana tegin medıtsınalyq kómektiń kepildik berilgen kólemi aıasynda medıtsınalyq qyzmetterdiń tolyq jıyntyǵyn (emhanada qyzmet kórsetý, dárigerdi úıge shaqyrtý, úıde qyzmet kórsetý, patronaj, múgedekterge qyzmet kórsetý jáne t.b.) kórsetedi. Eger azamat Astana qalasynan tys jerde nemese tirkelgen emhanaǵa qatysy joq aýdanda turatyn bolsa, úıde qyzmet kórsetý múmkindigi bolmaıdy, sebebi ara qashyqtyq pen qyzmet kórsetý radıýysy úlken, sondaı-aq qazirgi tańda oryn alyp otyrǵan kólikpen qamtamasyz etý problemalary, halyq sanynyń artýy jáne emhanalardyń shamadan tys júktemeleri de bar. Emhana júktemesi shamadan tys bolǵan jaǵdaıda, tirkelgen turǵyndar sany normatıvten asyp ketken jaǵdaıda medıtsınalyq uıym emhanadan shalǵaı jatqan aýdandarda turatyn azamattardyń osy emhanaǵa tirkelýine ruqsat bermeýge quqyly. Sondaı-aq tirkelýdiń otbasylyq qaǵıdasy da mańyzdy, ıaǵnı barlyq otbasy músheleri bir emhanada qaralady, bul memlekettik baǵdarlamaǵa sáıkes turǵyndarǵa ambýlatorııalyq qyzmet kórsetýdiń negizgi tustarynyń biri bolyp tabylady. Sonymen qatar, www.e.gov.kz portalynda elektrondyq formatta tirkelý múmkindigi bar. Tómende Astana qalasyndaǵy emhanalardyń meken-jaılary men telefondary berilgen, onda tirkelý jáne qaıta tirkelý týraly tolyq aqparat ala alasyz: № 1 qalalyq emhana - Seıfýllın k., 28, tel.: 32-55-59, 32-36-40; № 2 qalalyq emhana - Respýblıka dańǵ., 50, tel.: 39-53-97, 39-65-19; № 4 qalalyq emhana - 103-k., 1-úı, tel.: 62-91-03; № 5 qalalyq emhana - Aqan seri k., 20, tel.: 28-95-36, 28-95-31; № 6 qalalyq emhana - Abylaı-han dańǵ, 30, tel.: 35-83-50, 35-83-96; № 7 qalalyq emhana - Sh. Qudaıberdiuly k., 29, tel.: 79-36-21, 79-36-23; № 8 qalalyq emhana - Sembınov k., 4/1, tel.: 37-30-82; №9 qalalyq emhana - Abylaıhan dańǵ., 30. tel.: 27-23-55.
