Astana emhanalary 50 jańa avtokólik aldy
ASTANA. QazAqparat - Astana emhanalary jańa avtokólikterge ıe boldy. Avtopark shuǵyl jetýdiń 4-sanatyna, úıge, mobıldi brıgadalardy tasymaldaýǵa jáne t. b. shaqyrýlardy oryndaý úshin taǵy 50 avtokólik aldy.
Bul týraly QazAqparat Astana ákimdiginiń resmı saıtyna silteme jasap habarlaıdy.
Osy jyldyń qyrkúıek aıynyń basynda jedel medıtsınalyq járdem stantsııasyna 55 arnaıy mashına berildi. Jalpy alǵanda, qalanyń medıtsınalyq mekemeleri men jedel medıtsınalyq járdem stantsııalarynyń avtoparki sońǵy jyldary 200-den astam avtokólikpen tolyqtyryldy.
Sońǵy úsh jylda medıtsına mekemeleri 3 myńǵa jýyq arnaıy jabdyqtarmen jaraqtandyryldy, 40 «Úı janyndaǵy dáriger» nysany ashyldy (onyń 7-si turǵyn alaptarynda), jyl sońyna deıin taǵy 10 «Úı janyndaǵy dáriger» nysany ashylady, birqatar medıtsınalyq mekemelerde jóndeý jumystary júrgizildi, 4 medıtsınalyq mekeme qurylysy boıynsha jobalar iske asyrylýda.
Astanada perzenthanalardyń, «Jaǵalaý-3» ambýlatorııalyq-emhanalyq keshenderiniń jáne «Nurly jol» vokzaly aýdanynda, Kóktal-1 JM alǵashqy medıtsınalyq-sanıtarlyq kómek ortalyqtary, Telman, Prıgorodnyı jáne t.b. qurylysy josparlanǵan.
