Astana elimizdegi tsıfrlyq tehnologııalardy engizýge arnalǵan negizgi alańǵa aınalady
ASTANA. QazAqparat - Búgin Úkimet úıinde Qazaqstan Premer-Mınıstri Baqytjan Saǵyntaev QR Prezıdenti N.Nazarbaevtyń Astana qalasynyń áleýmettik-ekonomıkalyq damýy máseleleri jáne halyqaralyq «Astana EKSPO-2017» mamandandyrylǵan kórmesine daıyndyq barysy boıynsha tapsyrmalardy iske asyrý jóninde keńes ótkizdi.
Úkimet saıtynyń habarlaýynsha, keńes barysynda Memleket basshysy «EKSPO-2017» aralaý kezinde óz sózinde aıtyp ótkendeı, Astana qalasyn elimizdegi tsıfrlyq tehnologııalardy engizýge arnalǵan negizgi alań retinde damytý máseleleri talqylandy.
Osyǵan baılanysty QR Premer-Mınıstri B.Saǵyntaev elorda ákimdigine ǵana emes, barlyq memlekettik organdarǵa elordanyń kólik ınfraqurylymyn, turǵyn úı sektoryn, qala basqarmasynyń barlyq salalarynda zamanaýı tsıfrlyq tehnologııalardy engizýdi aýqymdy damytý boıynsha birqatar tapsyrmalar berdi.
