Astana elevatorlarynda óńdeletin 10 myń tonnadan astam bıdaı bar
ASTANA. 15 aqpan. QazAqparat - Astana qalasynyń astyq naryǵyna qatysýshylardyń qoımasynda 2013 jyldyń 1 aqpanyndaǵy málimet boıynsha, 122 179 tonna astyq bar bolsa, onyń - 122 179 tonnasy azyq-túliktik daqyl, dep habarlady Astana qalasynyń resmı saıty Statıstıka departamentine silteme jasap.
Negizgi azyq-túlik daqyldaryna bıdaı (jalpy astyqtyń 99,6% -y azyq-túlikke), qara bıdaı (0,1%), júgeri (0,1%) jáne arpa (0,2%) jatady.
Azyq-túlikke dep bólingen bıdaıdyń aýqymdy mólsheri (91%) qala elevatorlarynda saqtalǵan. Qalanyń un kombınatynda óńdeletin 10 447 tonna bıdaı, 241 tonna arpa, 143 tonna júgeri bar.
Buǵan deıin habarlanǵanyndaı, Astana qalasy ákimdigi men qalanyń astyq óńdeıtin kásiporyndary qalypta pisiriletin nan, birinshi surypty un, kebekke baǵany turaqtandyrý is-sharalary jóninde Memorandýmǵa qol qoıǵan bolatyn. Osyǵan baılanysty elorda turǵyndary Memorandýmǵa qol qoıǵan birqatar mekemelerden atalǵan ónimderdi arzandatylǵan baǵamen satyp ala alady.
