Astana el bıýdjetine qansha qarjy quıady

ASTANA. QazAqparat - 2018 jyly Astana respýblıkalyq bıýdjetke 800 mlrd teńge aýdarýdy josparlap otyr. Bul týraly búgin qala ákimi Áset Isekeshev málimdedi, dep habarlaıdy QazAqparat.

«2018 jyly Astana qalasynan respýblıkalyq bıýdjetke 800 mlrd astam teńge aýdarylady, bul respýblıkalyq bıýdjetten túsken 155 mlrd teńgeni quraıtyn transfertter kóleminen bes esege kóbirek», - dedi qala ákimi «iKomek» qalalyq monıtorıng jáne jedel áreket etý ortalyǵynda ótken jınalysta.

Onyń aıtýynsha, 2018 jyly jalpy halyqtyń shamamen 6,6% Astana qalasynda turyp jatyr. Qala respýblıkalyq JІÓ 10%-in óndiredi jáne ınvestıtsııalardyń 9,5%-in jáne memlekettik bıýdjetke kiristerdiń 13%-in shoǵyrlandyrady.

Buǵan deıin qala ákimi halyqtyń kóbeıýi saldarynan eń kóp aýyrtpalyq memlekettik qyzmetshilerge túskenin atap ótti.  Sonymen birge, ákim ótken jyly 9 qurylymdyq bólimsheniń qysqartylǵanyn jetkizdi.