Astana ekonomıkalyq forýmy aıasynda ınnovatsııalyq klasterlerdi qalyptastyrýdy talqylaý josparlanǵan

ASTANA. 6 mamyr. QazAqparat - VI Astana ekonomıkalyq forýmy şeńberinde ınnovatsııalyq ortalyqtardyń jetekshi ókilderi jáne ınnovatsııa salasyndaǵy top-menedjerler ınnovatsııalyq klasterlerdi qalyptastyrýdy talqylaıdy, dep habarlady Rrimeminister.kz.

«VI Astana ekonomıkalyq forýmy şeńberinde QR Ekonomıka jáne bıýdjettik josparlaý mınıstrligi, QR Qorshaǵan ortany qorǵaý mınıstrligi jáne «Ekonomıkalyq zertteýler ınstıtýty» AQ birlesip «Indýstrııalyq revolıýtsııa - «jasyl» ekonomıkaǵa kóshý» atty paneldik sessııasyn ótkizedi», - delingen QR Ekonomıka jáne bıýdjettik josparlaý mınıstrligi baspasóz qyzmetiniń málimdemesinde.

Sessııa barysynda «jasyl» ekonomıkanyń negizgi sıpattamalary, onyń damý jolyndaǵy kedergiler, shet elderiniń jańa ekonomıkalyq úlgige aýysý boıynsha ozyq tájirıbesi, sondaı-aq ekonomıkany jańǵyrtý men turaqty damytýdyń basqa da ózekti máseleleri talqylanady.

Talqylaý nátıjesinde Rıo+20 Sammıtiniń sheshimderin iske asyrýǵa baǵyttalǵan odan ári jasalatyn praktıkalyq qadamdar boıynsha usynymdary bar buryshtamalardy ázirleý josparlanyp otyr.

Bul shara qazaqstandyq jáne shetel sarapshylary, halyqaralyq jáne úkimettik emes uıymdar, qoǵamdyq birlestikter tarapynan joǵary qyzyǵýshylyq týdyrdy. Sessııa jumysyna 100-den asa adam qatysady.

Sonymen qatar, aǵymdaǵy jyldyń mamyr aıynda sessııanyń uıymdastyrýshylary G-global aqparattyq-kommýnıkatıvtik alańynda on-laın konferentsııany ótkizýdi kózdeıdi.