«Astana» eki jeńiske qol jetkizdi - Vınokýrov «Týr de Frans» qorytyndysyn jasady
ASTANA. QazAqparat - Parıjde Elıseı alańyna (116 km) deıin dástúrli kezeń «Týr de Frans» 105 sýperkópkúndik jarysy aıaqtaldy, dep habarlaıdy «SPORTINFORM» SAA astanaproteam.kz-ke silteme jasap.
Bul kezeńde norvegııalyq veloshabandoz Aleksandr Krıstoff jeńiske jetti. Qorytyndy kezeńniń aldynda brıtandyq Gereınt Tomas jarystyń jalpy esebinde jeńimpaz atandy. Tomas Olımpıadada, álem chempıonaty men «Týr de Frans» básekesinde jeńimpaz dep tanylǵan altynshy jarysýshy.
«Astana» kapıtany ıAkob Fýlsang jalpy jiktelimde 12-orynǵa ornalassa, Tanel Kangert 16-orynda tur. Qazaqstandyq komandanyń esebinde Omar Fraıle men Magnýs Kort jasaǵan eki jeńis bar.
«Týr de Frans» aıaqtalyp, osy jeńisterdi toılap jatyrmyz. Biz komandalyq rýh men komandalyq jumysty, sondaı-aq Omar Fraıle men Magnýs Korttyń jeńisin maqtan tutamyz. Odan keıin «Výelta Ispanııaǵa» kirisemiz», - dedi «Astananyń» bas menedjeri Aleksandr Vınokýrov.
Eske salaıyq, 21 kezeń jappaı sprıntpen aıaqtaldy. Onda norvegııalyq Aleksandr Krıstoff jeńimpaz atandy. «Úlken Іlmek» bas jikteliminde brıtandyq Gerant Tomas jeńiske qol jetkizgen edi.
