Astana dúkenderinde erlerge arnalǵan etekti beldemshe satyla bastady
ASTANA. qazAqparat - Qazirgi sán maýsymynyń ereksheligi qazaqtyń mentalıtetine saı kelmeıtin kıim túri - erlerge arnalǵan etekti beldemsheniń (ıýbka) shyǵýy bolyp tur. Elordadaǵy dúkenderdiń birinde Jan Pol Goteniń toptamasynan alynǵan osyndaı kıimder saýdaǵa shyǵarylypty, dep jazady "Ekspress-K" basylymy.
Býtık ıesi Áıgerim Baıazbaeva er adamnyń beldemshesi Astanada satylatynyna kúmáni bar. Degenmen turaqty klıentterine óziniń sońǵy sánnen habarsyz emes ekenin kórsetý úshin satyp alyp, shyǵaryp qoıǵan. Ásirese Konchıta Výrsttyń «Evrovıdenıedegi» jeńisinen keıin satylmasa da, sórede turǵany durys dep sheshken Áıgerim. «Jan Pol Gote, Vıven Vestfýd pen Kenzo sán úıleri er adamdarǵa osy jyly jazda beldemshe kııýge keńes beredi, - deıdi Baıazbaeva. - Olar áıelderdiń beldemshesinen aıtarlyqtaı erekshe: ıýbkalar qalyń matadan tigilgen jáne belge oralǵan kádimgi oramaldy eske salady». Kórgenniń jaǵasyn ustatar bul kıim Baıazbaevanyń býtıgine kelgen klıentterdiń de ashýyn týǵyzdy. Degenmen Áıgerim ony tek ımamnyń qatań eskertýinen keıin ǵana sóreden alyp tastady. Imam Áıgerimge Quranda eger er adamdar áıelderden erekshelenýden qalsa, aqyr zamannyń jaqyndaǵanynan habar beredi degen.
