«Astana-Dýatlon-2016» jarysyna qatysýshylar 25 km qashyqtyqty baǵyndyrdy (FOTO)
ASTANA. QazAqparat - Astanada jeksenbi kúni tańerteń dýatlonnan jarys ótti. Atalǵan týrnır Elorda kúni qarsańynda ekinshi ret uıymdastyrylyp otyr. Bıyl sharaǵa 500-ge jýyq adam qatysty, sonyń ishinde sportshylar da, áýesqoılar da bar, dep habarlaıdy elorda ákimdiginiń resmı saıty.
Sporttyq jarysqa Qazaqstan premer-mınıstri Kárim Másimov, Prezıdent Ákimshiliginiń basshysy Ádilbek Jaqsybekov, Mádenıet jáne sport mınıstri Arystanbek Muhamedıuly, sondaı-aq, Olımpıada chempıony Aleksandr Vınokýrov qatysty.
- Menińshe qala kúni qarsańynda bul barsha astanalyqtar úshin úlken mereke. Bárińizdi osy merekemen quttyqtaımyn, - dedi Kárim Másimov.
Ádilbek Jaqsybekov Memleket basshysynyń elimizde sport pen mádenıetti damytý boıynsha tapsyrmasyna sáıkes sporttyq sharalar ótkzilip jatqanyn atap ótip, qatysýshylarǵa sporttyq dástúrlerge qoldaý kórsetkeni úshin alǵys aıtty.
- Barlyq astanalyqtardy osy oqıǵamen quttyqtaımyn, eń bastysy - densaýlyq, sportpen shuǵyldanyńyzdar!- dedi Ádilbek Jaqsybekov.
Jarys «Báıterek» monýmentiniń aldyndaǵy alańnan bastalyp, sonda aıaqtaldy. Bıyl jarysqa qatysýshylar respýblıkamyzdyń táýelsizdiginiń mereıtoılyq datasyna oraı 25 km baǵyndyrdy. Týrnır úsh kezeńmen ótti: 5 km júgirý, 15 km velosıpedpen júrý jáne 5 km qashyqtyqqa júgirý.
Qatysýshylar bes top boıynsha marapattaldy. Dýatlonnan jarysta erler arasynda 29 jasar Evgenıı Nepomnıaşnıı jáne áıelder arasynda 16 jasar Janerke Asan absolıýtti chempıon atandy. Olar sáıkesinshe, 56,10 mınýt jáne 1 saǵat 13,21 mınýtta márege jetti. Atalǵan qatysýshylar 16-30 jas aralyǵyndaǵy jeńimpazdar. ıAkov Kozlov (1 saǵ 1 mınýt) jáne Elena Ponomareva (1 saǵ 22 mınýt) 31-40 jas sanatynda júgirýde top jardy. 41-50 jas sanatynda Igor Karachev (59,43 mınýt) jáne Tatıana Mıhaleva (1 saǵ 24 mınýt) kósh bastady. 50 jastan asqandar arasynda qalada ótkiziletin barlyq sporttyq-buqaralyq sharalarǵa turaqty túrde qatysyp júrgen Bolat Jámishev úzdik boldy, ol qashyqtyqty 1 saǵ 9 mınýtta baǵyndyrdy.
Jeńimpazdar baǵaly syılyqtarmen jáne elordalyq sporttyq mekemelerge abonementtermen marapattaldy.
Saltanatty marapattaý rásiminen keıin dýatlonǵa qatysýshylar men qonaqtar úshin «Báıterek» monýmentiniń aldyndaǵy alańda kontserttik baǵdarlama, sondaı-aq, lotereıa utysy uıymdastyryldy.
