«ASTANA-dýatlon-2016»: Kárim Másimov 15 shaqyrymdyq veloqashyqtyqty baǵyndyrdy (FOTO)
ASTANA. QazAqparat - Qazaqstan Premer-Mınıstri Kárim Másimov Astanada ótip jatqan dýatlonnan týrnır aıasynda 15 shaqyrymdyq veloqashyqtyqty baǵyndyrdy.
Bul týraly Úkimet basshysynyń Pm.kz resmı saıty habarlady.
Atap aıtar bolsaq, velojúrý barlyq jarystyń úsh kezeńiniń ekinshisi bolyp tabylady. Buǵan deıin qatysýshylar 5 shaqyrym júgirip ótti. Sońǵy kezeńde - qaıtadan 5-shaqyrymdyq qashyqtyqqa júgirý.
Qashyqtyq boıy Kárim Másimov jaqsy dene daıyndyǵyn kórsetip, kóshbasshy toptardyń birinde keledi.
Mınıstrler kabınetiniń basshysy ekinshi kezeńdi aıaqtaǵan kezde keıbir qatysýshylar áli birinshi kezeńdi aıaqtamaǵan bolatyn. Alaıda, marafondy aıaqtap qoıǵandar da bar. Olardyń ishinde: «Qazaqstannyń Damý Banki» AQ Basqarma Tóraǵasy Bolat Jámishev.
Esterińizge salsaq, 26 maýsymda Elorda kúnin merekeleýge arnap Astanada ekinshi ret dýatlonnan ashyq qala týrnıri ótip jatyr. Bıyl jarys qatysýshylary 25-shaqyrymdyq qashyqtyqty baǵyndyrady. Bul araqashyqtyq kezdeısoq tańdalǵan joq - joldyń uzaqtyǵy mereıtoılyq data - Qazaqstan Respýblıkasy Táýelsizdiginiń 25-jyldyǵymen sáıkes keledi.
«Astana-dýatlon-2016» jarysyna 16 jastan asqan barlyq tilek bildirgender qatysa alady.
