Astana Devıs Kýbogi matchyn qabyldaıdy
ASTANA. 14 qarasha. QazAqparat - 2013 jylǵy 1-3 aqpanda Astanada úlken tennısten álemdegi iri saıys sanatyndaǵy Devıs Kýboginiń birinshi kezeńi ótedi.
Qazaqstan quramasy álemdik toptyń 1/8 fınaldyq matchynda Avstrııaǵa qarsy oınaıdy. Esterińizge sala keteıik, Kýboktiń reıtınginde avstrııalyq ujym 9 orynda tur. Olar osy jarystarǵa 78 jyl qatysyp kele jatyr, onyń ishinde 17 jyly álemdik topta. Elordaǵa Avtrııanyń birinshi raketkasy ıÝrgen Meltser keledi dep kútilýde.
Búgin ótken baspasóz máslıhatynda qurama kapıtany Dıas Dosqaraevtyń aıtýynsha, bizdiń tennısshilerdi qıyn oıyn kútip tur. Qazirgi kezde federatsııa atalǵan dodanyń qarsańynda barynsha tynyǵyp alýǵa múkindik jasap otyr.
«Qazir jyldyń sońy bolǵandyqtan jarystar kóp emes. Bul maýsym uzaq boldy. Atap aıtqanda, birneshe aýyr oıyndarǵa qatystyq. Endi tennısshiler jaqsylap demalyp alýy tıis»,-dedi ol.
Sonymen qatar baspasóz máslıhatynda qazaqstandyq tennısshi ıAroslava Shvedova erler quramasyna jankúıer bolý úshin Astanaǵa keletinin aıtty. Onyń paıymdaýynsha, jeńiske jetýge qazaqstandyq quramanyń múmkindigi zor.
«Bizde óte jaqsy qurama jasaqtalǵan. Bizdiń erler Shveıtsarııa men Ózbekstanǵa qarsy oıyndarda jaqsy oıyn órnegin kórsete aldy. Men bizdiń jigitter álemdik topta saıysqa túsip júrgenin maqtan etemin»,-dedi ıA. Shvedova.
