Astana densaýlyq saqtaýdyń qýatty áleýetine ıe - N.Nazarbaev
ASTANA. 6 shilde. QazAqparat - Astana densaýlyq saqtaýdyń qýatty áleýetine ıe, dep jazady QR Prezıdenti Nursultan Nazarbaev búgin baspasózde jaryq kórgen «Astana - Qazaqstannyń uly dáýiri jáne strategııalyq vektory» degen taqyryptaǵy maqalasynda.
«Qazirgi Astana densaýlyq saqtaýdyń qýatty áleýetine ıe. Munda 6 zamanaýı klınıkany: Neırohırýrgııa ǵylymı ortalyǵyn, Balalardy ońaltý ortalyǵyn, Dıagnostıkalyq ortalyqty, Ana men balany qorǵaýdyń ulttyq ǵylymı ortalyǵyn, Jedel medıtsınalyq kómek ǵylymı ortalyǵyn, Ulttyq ǵylymı kardıohırýrgııalyq ortalyqty biriktirgen jańa medıtsınalyq klaster quryldy», - dep atap ótedi Elbasy.
Memleket basshysynyń jazýynsha, olarda adam múshelerin aýystyrý jóninde ǵajaıyp operatsııalar jasalýda. 2012 jyldyń ózinde ǵana úlkender men balalarǵa búırek, kemik maıy jáne tipti júrek transplantatsııasynyń 40-qa jýyq sátti otasy jasaldy.
«Elordalyq klınıkalarda emdeýden ótkizilgenderdiń 60 paıyzǵa jýyǵyn basqa óńirlerden kelgen emdelýshiler quraǵandyǵynyń ózi eleýli kórsetkish. Munyń syrtynda emdelý úshin shetelderden keletin emdelýshiler sany da arta túsip otyr. Bizge álemniń 20 elinen 200-den astam adam kelip emdeldi», - deıdi QR Prezıdenti.
