Astana delfıılikterdi qarsy alady
ASTANA. 24 qyrkúıek. QazAqparat - Erteń, 25 qyrkúıekte «Báıterek» halyqaralyq medıa-ortalyǵynda Astana qalasynda TMD qatysýshy memleketteriniń «Jastar jigeri» atty VII ashyq jastar Delfıı oıyndarynyń ashylýyna arnalǵan baspasóz máslıhaty ótkiziledi.
Bul týraly QR Bilim jáne ǵylym mınıstrliginiń baspasóz qyzmeti habarlap otyr.
OǵanHalyqaralyq Delfıı komıtetiniń dırektory Vladımır Ponıavın, QR Bilim jáne ǵylym mınıstrligi Jastar isi komıteti tóraǵasynyń m.a. Nurlan Óteshev pen TMD qatysýshy memleketteriniń VII ashyq jastar Delfıı oıyndaryn uıymdastyrý men ótkizý boıynsha shtab bastyǵy Erkebulan Muqanov qatysady.
Oıyndarǵa álemniń 20 shaqty eliniń jastary qatysady. 10 men 25 jas aralyǵyndaǵy 600-den astam qatysýshy óner salasynyń skrıpka, fortepıano, halyq ánderi sııaqty dástúrli túrlerinen bastap, veb-dızaın, dı-djeı sııaqty zamanaýı túrlerine deıin óz ónerlerin kórsetip, baq synaıdy. Ádil qazylar alqasynyń quramynda Italııa, Moldova, Rýmynııa, Reseı sııaqty elderden kelgen tanymal mýzykanttar, bıshiler, sýretshiler bar.
