Astana Dausy festıvalinde 12 eldiń ánshileri óner kórsetedi
ASTANA. QazAqparat - «Astana Dausy-2018» ekinshi jyl saıynǵy mýzykalyq sharasynyń ótýine bir aptadan az ýaqyt qaldy, dep habarlaıdyts QazAqparat.
29 tamyzda «Barys Arena» muzaıdyn saraıynyń sahnasynda Azııa, Eýropa jáne Amerıkanyń 12 memleketiniń artısteri barsha álem tyńdarmandarynyń júregin jaýlaǵan hıtterin oryndaıdy.
Atap aıtqanda, Ninety One toby, Grıgorıı Leps, Loreen, ALEKSEEV, Anı Lorak, Fılıpp Kırkorov, Sogdıana, SosoPavlıashvılıjáne basqalary. Kesh júrgizýshileri - Láılá Sultanqyzy jáne Andreı Razygraev.
Ótken jyly atalmysh shara elordada alǵash ret ótkizilip, kúshti áser qaldyrǵan. Beıbitshilik pen kelisim saraıynda Qaırat Nurtas, Bıanka, Oceana, Arash, Grıgorıı Leps syndy úzdik artıster qala turǵyndary men qonaqtaryna kóterińki kóńil kúı syılaǵan bolatyn. Ánshiler qazaqstandyq kórermenderdiń qonaqjaılylyǵy men yqylasyn erekshe atap ótip, jyly qarsy alǵandary úshin alǵystaryn bildirdi.
Bıyl da uıymdastyrýshylar qyzyqqa toly keremet kesh syılamaq. Aıta keteıik, «Astana Dausy-2018» sharasyn Astana qalasy ákimdiginiń mádenıet jáne sport basqarmasy uıymdastyrady.
Festıvaldiń qoıýshy-rejısseri retinde Kıevten «FCHF-group» komandasy shaqyryldy. Mýzykalyq sharanyń basty urany - «Astana daýysy - sheksiz!».
Uıymdastyrýshylardyń habarlaýynsha, artıster sahnada óner kórsetkende lazerlik shoýdyń ınstallıatsııalary men elementterinde Qazaqstannyń sımvoldary men ulttyq belgileri qoldanylady. Mysaly, basty ekran ulttyq bas kıimniń, al edendegi dóńgelek ekran Astananyń belgisiniń elementteriniń biriniń formasynda jasalady. Árbir qoıylym erekshe bolady, deıdi uıymdastyrýshylar.
Eske salaıyq, festıvalge qatysatyn artısterge kórermenderdiń sheksiz súıispenshiliginiń jáne onyń shyǵarmashylyǵyn joǵary baǵalaýdyń belgisi retinde músinsheler tabystalady. Mýzykalyq kesh 29 tamyzda saǵat 19.00-de ótedi.
