«Astana Dausy-2018» festıvaline Leps, Kırkorov, Ninety One qatysady
ASTANA. QazAqparat - 29 tamyzda elordada ekinshi «Astana Dausy-2018» halyqaralyq mýzyka festıvali ótedi. Barsha álem boıynsha hıtteri mýzykalyq charttarda kósh bastaǵan Eýropa, Azııa jáne Amerıkanyń 12 memleketiniń úzdik artısteri «Barys Arena» muzaıdyny saraıynda óner kórsetedi, dep habarlaıdy Astana qalasynyń Mádenıet jáne sport basqarmasy.
Aýqymdy sharany byltyrǵydaı Astana qalasy ákimdiginiń mádenıet jáne sport basqarmasy uıymdastyrady. Kórermender ózderiniń súıikti artısteriniń ónerin tamashalaıdy, shara qyrkúıek aıynda 7 arnanyń efırinde kórsetiledi.
Festıval «Golos Astany - bez granıts!» (Astana daýysy - sheksiz) uranymen ótedi. Shynymen de, mýzyka da tabynýshylardyń súıispenshiligi sekildi sheksiz.
Eske salaıyq, festıval aıasynda tanymal sportshylar, mádenıet qaıratkerleri jáne bılik ókilderi sahnaǵa shyqqan árbir artıstke estelik retinde ulttyq kıim kıip, qolyna kúnniń kózin ustaǵan qyz túrindegi músinsheler tabystaıdy. Mysaly, ótken jyly Svetlana Loboda estelik nagradany Prezıdent Ákimshiliginiń basshysy Ádilbek Jaqsybekovtyń, al Qaırat Nurtas - elorda ákimi Áset Isekeshevtiń qolynan qabyl alǵan bolatyn.
Bıyl Astana Dausy festıvaline Qazaqstannyń atynan elimizdegi tanymal erler toby Ninety One jáne qazaqstandyqtardyń súıikti ánshisi Erke Esmahan qatysady. Atap aıtqanda, Grýzııadan Soso Pavlıashvılı, Shvetsııadan - «Evrovıdenıe-2012» án baıqaýynyń jeńimpazy Loreen baǵyn synaıdy. Latvııadan Intars Býsýlıs, Moldovadan - DoReDos, Armenııadan - SEVAK qazaqstandyqtarǵa jalyndy sálemderin joldaıdy. Sonymen qatar, ózbekstandyq Sogdıana, ýkraındyq ALEKSEEV te belgili ánderin oryndaıdy.
Reseıdiń atynan taǵy da teńdessiz Grıgorıı Leps qatysady. Aıta keteıik, byltyr Beıbitshilik jáne kelisim saraıynda «Astana Dausy-2017» festıvaliniń jabylý saltanatynda ol óziniń energetıkasymen kórermenderdi tánti etip, ystyq yqylasyna bólengen edi.
Uıymdastyrýshylar sharaǵa kelýshiler úshin daıyndaǵan taǵy da bir syılyq - festıvalde arnaıy qonaq retinde Anı Lorak pen Fılıpp Kırkorov qatysady. Olardyń árbir áni hıtke aınalady deýge bolady.
«Astana Dausy-2018» mýzyka álemindegi elordadaǵy jarqyn oqıǵaǵa aınalmaq. Kórermender lazerlik shoý, ulttyq naqyshtaǵy erekshe ınstallıatsııalar jáne kóptegen tosyn syılar tamashalaıdy.
