«Astana Dakar Team» qazaqstandyq komandasy «Dakar-2014» jarysyna qatysatyn pılottar quramyn belgiledi
ASTANA. 4 shilde. QazAqparat - «Astana Dakar Team» kóshbasshysy Artýr Ardavıchýs "Dakar-2014" jarysyna qatysatyn komanda quramyn belgilegendigin habarlady.
"Biz eń bedeldi "Dakar-2014" halyqaralyq jarysyna daıyndyqty bastap kettik. Komanda chehııalyq kompanııamen kelisim jasady, endi ujym jarys jolyna "Tatra" júk kóligimen shyǵatyn bolady. Usynylǵan kólik óte qýatty, sondyqtan onyń júrisine ıkemdelýimiz qajet, sebebi onyń shassıi múldem jańa tehnologııamen qurastyrylǵan. Júrgizýdiń belgili bir stılin jasaqtap alý kerek. Aldymyzda kóptegen synaqtar, jattyǵý sessııalary kútip tur, sondaı-aq "Tatra" zaýytynyń ınjenerlerimen birlesken qyrýar jumystar bar", - dedi A.Ardavıchýs.
Onyń atap ótkenindeı, Dakarǵa "Tatra" júk kólikterinde Ardavıchýs bastaǵan 6 komanda, jol talǵamaıtyn kólikter sanatynyń T2 klasynda Nissan Patrol kóligimen Denıs Berezovskıı, T1 klasynda Aıdyn Rahymbaev pen Baýyrjan Isabaev HiLux Overdrive kóligimen shyǵady.
Dakarǵa daıyndyq retinde erteń, 5 shildede komandanyń 3 ekıpajy "Jibek joly-2013" rallı-reıdine qatyspaq. Rallı Máskeý men Astrahan qalalary arasynda ótedi jáne 4 myńnan astam shaqyrymdy quraıdy.
